YLE

Article in other languages:

• YLE
• Yleisradio
• YLE
• Yleisradio
• YLE
• Yleisradio
• YLE
• Yleisradio
• Yleisradio
• YLE
• YLE
• Yleisradio
• フィンランド国営放送
• 핀란드_국영_방송
• YLE
• Yleisradio
• YLE
• Yleisradio
• YLE
• YLE
• YLE
• Yle
• Yleisradio

YLE esas la statala televiziono- e radio-kompanio di Finlando. La nuna nomo esas abreviuro de la plu anciena nomo O.Y. Suomen Yleisradio–A.B. Finlands Rundradion (Aciono-kompanio Generala Radio di Finlando; skribita per la Finlandana e la Suediana).

Komenco

En Finlando on probabis uzar radio-aparati e sendar mesaji per li mem ante la nedependesko, qua eventis ye 1917. Lore, dum la Rusiana guverno, omna aktiveso esis sekreta.

La komenco di la Yleisradio esis tre aceleroza. Nur kelka dii ante la unesma programo-sendo, la administro-konsilistaro di Yleisradio decidis havar la majoritato di la acioni di la Finlandana Radioemiso-societo, qua tillore sorgis pri la radio-sendaji. Kom parolanto (o introduktanto) di la programi selektesis opero-kantisto Alexis af Enehjelm. La unesma radio-programo di YLE sendesis en 9 di septembro 1926. La unesma senderio esis en Helsinki, Unioninkatu (Uniono-strado) 20.

Nextayare 1927 la Lego pri Radio promulgesis e YLE povis kolektar askoltopermiso-pagi. Tale YLE aquiris moyeno developar sua agado. Dum l’ unesma ok yari omna programi sendesis direte sen salvigili.

Kelka dati

• 1930 - Esas 100.000 askoltopermisi..
• 1945 - Esas 500.000 askoltopermisi.
• 1949 - Komencas administro-konsilistaro nominita da Parlamento.
• 1950 - On probas kabelo-televiziono.
• 1955 - Milionesma radiopermiso (antea askoltopermiso). Eventas unesma publika televizio-sendo del Elektro-laboratorio di la Teknikala Universitato.
• 1958 - Televiziono di Finlando (ante YLE) komencas reguloza sendaji.
• 1964 - Regionala Tesvisio e Tamvisio esis fuzita ad YLE e li formacas la duesma kanalo.
• 1965 - Propra novajo-sendaji di YLE komencis.
• 1967 - Stereofonikala sendaji komencas per radio.
• 1969 - La prezidanto parolas en la unesma kolorizita sendajo. Milionesma televizionopermiso esas aquirita.
• 1975 - Unesma lokala radio komencas en Helsinki. Esas du milioni televizionopermisi.
• 1977 - Havar radio ne plus kondicionas permiso.
• 1981 - Texto-televiziono komencas.
• 1982 - Milionesma koloroteleviziono-permiso esas aquirita.
• 1987 - Reguloza radio-sendaji noktala komencas. YLE, Reklamo-televiziono (MTV) ed aciono-kompanio Nokia fondas Tri-Televiziono.
• 1993 - Omna programi di YLE kolektesas en la senreklama kanali uno e duo, e Reklamo-televiziono ganas propra kanalo kun reklami.
• 1994 - On komencas probo-sendaji dijitala en radio.
• 1995 - YLE havas unesma satelito-staciono.
• 1996 - Specala permiso por du-kolora televizioni esas eliminita ed on havas nur un permiso por omnatipa televizioni en tota stato.
• 1997 - Matinala televiziono-sendaji komencas. Dijitala sendaji di TV Finland ad Europa komencas.
• 1998 - Reguloza dijitala radio-sendado (Radio Spegulo) komencas.
• 2000 - Regionala novajo-produkto komencas en Turku, Jyväskylä ed Oulu. Esas du milioni televizionopermisi.
• 2001 - Komencas dijitala televiziono-sendaji e YLE fondas nova kanali YLE24, Teema (Temo) e FST (Sueda-linguala).

Ye 2007

Ye 1 di agosto 2007 omna analoga sendado di televiziono-programi finas ed omna sendaji esas nur dijitala.

Nun YLE havas kin televiziono-kanali: TV1, TV2, Teema, YLE24 e FST5. En radio YLE havas la Fina-linguala YLE radio 1, YLEX e Radio Suomi (kun regionala radio-sendarii), YLEQ e Sueda-linguala Radio Vega e Radio Extrem.

Extera ligili

• http://yle.fi = frontispico
• http://www.yle.fi/elavaarkisto = anciena programi en la Finlandana
• http://www.svenska.yle.fi/arkivet = anciena programi en la Suediana

Questions for article: yle teksti tv